Nú fer að hausta og margar vilja endurnýja töskuna sína fyrir haustið. Hér eru margar fallegar töskur, sumar dýrar og aðrar ódýrari en flestar á tilboði. Smelltu þér á eina án þess að þurfa að þræða búð eftir búð og fáðu eina heim að dyrum!
Nú fer lokasería hinna geysivinsælu þátta Game of Thrones í hönd og aðdáendur halda vart vatni af spenningi. Hver er samt raunverulegur aldur leikaranna og hvað heita þeir? Hér eru nokkrar skemmtilegar staðreyndir:
Það vefst fyrir mörgum hvernig á að klippa myndbönd sem eru manni kær. Hér er komin nákvæmt skýringarmyndband sem kennir þér alla helstu tækni!
Í miðjum forræðisslag við fyrrum eiginmann hennar til 10 ára, Stephen Belafone, sást Mel B með nýjum manni í kossaflensi um helgina. Mel B, sem er fyrrum Kryddpía og núverandi dómari í America’s Got Talent var afar náin hárstílistanum Gary Madatyan sem hefur haft hendur í hári margrar stjörnunnar á Republic Records partýisins á sunnydag. Heidi Klum, ofurfyrirsæta var með þeim á myndum en margir höfðu á orði hversu líkur Gary var hennar fyrrverandi, Stephen Belafonte.
„Gary og Mel eru ekki að hittast, en taka því létt. Þau, ásamt Heidi, áttu hreinlega partýið og gerðu það minnisstætt.“
Mel var í áberandi pallíettukjól sem á stóð: “You will never own me” en hún hafði farið á VMA hátiðina áður. Er það talið merki um „diss“ á fyrrverandi eiginmanninn. Í síðasta mánuði var Stephen gert að greiða Mel B um 4,2 ISK í meðlag á mánuði.
Ahh….Melaniu forsetafrú Bandaríkjanna varð á í messunni….verulega. Hún reyndi að taka afstöðu gegn einelti þegar eiginmaður hennar er mesti eineltisseggur á þessari jarðarkringlu…og nú þetta.
Í morgun fór forsetafrúin um borð í Air Force One í skóbúnaði sem hentaði svo sannarlega ekki þegar fellibylurinn Harvey var annars vegar. Snákaskinnshælar á flóðasvæðum? Tja, það kann að vera verulega úr takt við raunveruleikann.
Talsmaður hennar segir að hún hafi skipt um skó áður en hún fór að tala við fórnarlömbin en það virðist ekki gefa rétt skilaboð…getur þetta forsætisembætti gert eitthvað rétt? …borin von að spyrja þessarar spurningar….
Ef naglalakk hellist niður, hvað gerirðu þá? Við vitum flest að ekki er nóg að þurrka það upp með klósettpappír! Svar við þessu og fleiri hreinsunum á leiðindablettum eru hér í meðfylgjandi myndbandi!
Söngkonan Taylor Swift á nokkra óvini í Hollywood, s.s. Katy Perry og Kanye West. Notar hún tækifærið til að svara fyrir sig í eldfimu myndbandi við lagið „Look What You Made Me Do.“ Aðdáendur sem og fjölmiðlar hafa verið að lesa í skilaboðin af kappi og þú verður að dæma fyrir þig…
Nú þegar skólarnir eru komnir á fullt eru foreldrar oft klórandi sér í höfðinu vegna þess þeir fá engar góðar hugmyndir. Þess vegna höfum við internetið! Hér eru nokkrar frábærar hugmyndir, ekki bara fyrir börnin heldur fullorðna líka! HÉR eru svo upplýsingar hvað næringarfræðingar gefa börnunum sínum í nesti.
Það hlýtur að vera erfitt að vera í Kardashian fjölskyldunni. Nú er Kim ekki sátt við alla athyglina sem Kylie Jenner fær með nýjum þætti, Life of Kylie, og snyrtivöruveldi sínu því hún vill vera á undan að verða milljarðamæringur. Það snýst auðvitað allt um slíkt í þessari fjölskyldu og „venjulegt“ fólk á sennilega erfitt með að skilja þetta.
Þegar raunveruleikaþættirnir Keeping Up With the Kardashians voru fyrst sýndir fyrir áratug síðan var Kim stjarnan og er hún hreint ekki ánægð með alla athyglina sem litla systir er að fá: „Kim er sjúklega afbrýðisöm út í Kylie og velgengni hennar því hún hélt alltaf að hún yrði fyrst þeirra systra að vera milljarðamæringur. Þetta er raunverulegt keppikefli milli systranna,“ segir nafnlaus heimildarmaður í viðtali við Life&Style.
Kim þolir ekki að Kylie var í viðtali með mömmunni, Kris Jenner, utan á Women’s Wear Daily vegna þess hve snyrtivörurnar hennar ganga vel. Síðan í nóvember 2015 hefur fyrirtækið auðgast um 420 milljón dali og er á góðri leið með að verða milljarðafyrirtæki — áður en Kylie verður 25 ára.
„Núna er Kim ósátt við að Kylie sé að stela þrumunni hennar. Hún er verulega ósátt við samkeppnina. Hún segir að Kardashian veldið sé ekkert án hennar.“
Ástæða þess að Kim er komin með sína eigin snyrtivörulínu, KKW Beauty er að hluta til vegna Kylie og fyrirtækisins hennar.
Fellibylurinn Harvey herjar nú á Bandaríkin og er kominn til Lousiana þessa stundina. Sumir brugðust ekki nógu hratt við viðvörunum yfirvalda og þurftu að flýja hús sín í skyndi og gátu því ekki tekið gæludýrin sín með. Þúsundum dýra hefur nú verið bjargað, frá köttum til hesta.
Camilla Parker-Bowles, kona Charles Bretaprins, hefur mikla andúð á foreldrum Kate, Michael og Carole Middleton, þar sem þau hafa ekki blátt blóð í æðum. Segir Globe að foreldrar hennar þurfi að nota þjónustuinnganginn þegar þau koma í Buckinghamhöll.
„Hún segir að það sé „viðeigandi“ að þau noti sama inngang og birgjarnir og þjónustufólkið sem koma „skríðandi“ til hallarinnar. Camilla segir að þau hafi ætlað sér um of og þurfi að finna sinn stað í tilverunni, líkt og Kate sjálf,“ segir nafnlaus heimildarmaður í viðtali við Globe.
Til að bæta gráu ofan á svart krefst Camilla þess að Kate hneigi sig þegar þær hittast. Er talið að hún sé að horfa græðgislega á framtíðina – þegar Charles verður krýndur kóngur eftir að drottningin skilur við.
31. ágúst árið 1997. Margir mun hvar þeir voru þegar þeir fengu fregnir af andláti Díönu prinsessu í París. Dauði hennar markaði tímamót. Breska konungsfjölskyldan var engan veginn viss um hvernig hún ætti að bregðast við og hvernig jarðarförin færi fram. Margar samsæriskenningar hafa komið fram, m.a. sú að breska konungsfjöldskyldan hafi í raun viljað losna við hana. Í myndbandi þessu fer fram virðingarvottur gagnvart starfi prisnessunnar og þeim áhrifum sem hún hafði á líf fólks.
Iðjuþjálfafélag Íslands hefur staðið fyrir skólatöskudögum í september undanfarin ár. Markmið þessara daga er að vekja athygli á mikilvægi þess hvernig börnin okkar nota skólatöskurnar sínar. Þau bera skólatöskur 180 daga á ári í allt frá 10 árum. Skólatöskudagar eru bara byrjunin á því hvernig við getum bætt vinnuumhverfi okkar, heilsu og líðan. Það er mikilvægt fyrir okkur öll að taka ábyrgð á eigin heilsu og umhverfi. Við erum alltaf að skapa okkur venjur og vanamunstur og það er mikilvægt að byggja upp góðar venjur strax í byrjun.
Það skiptir ekki máli hversu góðar skólatöskur við kaupum handa börnunum okkar ef að þau nýta sér ekki stillimöguleika eða kunna ekki að bera töskurnar sínar þannig að þær valdi ekki álagi. Alveg eins og það er alveg sama hversu góðan skrifstofustól við kaupum ef við sitjum alltaf eins í honum og breytum aldrei um stellingu.
Foreldrar og aðstandendur þurfa að sjálfsögðu að styðja þau og styrkja í þessu sem öðru og því læt ég fylgja hér smá bút úr leiðbeiningum iðjuþjálfa.
10 góð ráð til að létta byrðina:
1. Látið barnið aldrei bera meira en 15% af eigin líkamsþyngd. Þetta þýðir að barn sem er 50 kg ætti ekki að bera þyngri tösku en 7,5 kg..
2. Setjið þyngstu hlutina sem næst baki barnsins og raðið vel í töskuna þannig að bækurnar séu síður á ferðinni.
3. Nota alltaf báðar axlarólarnar. EF aðeins önnur axlarólin er notuð getur barnið hallað til hliðar og þannig skekkt hrygginn og valdið þannig verkjum eða óþægindum.
4. Veljið bakpoka með vel fóðruðum axlarólum. Of mikill þrýstingur á axlir og háls getur valdið óþægindum og dofa.
5. Veljið rétta stærð af tösku fyrir barnið jafnhliða hversu mikið pláss skóladótið þarf.
6. Stillið axlarólarnar þannig að taskan passi vel að baki barnsins. Taskan ætti aldrei að ná lengra en 10 cm fyrir neðan mitti.
7. Muna að nota mittisólina, ef að hún er á skólatöskunni, en hún hjálpar við að dreifa þyngd töskunnar.
8. Skoðið hvað barnið er að bera í töskunni á milli skóla og heimilis. Verið viss um að það sé einungis það sem það þarf að nota þann daginn.
9. Ef skólataskan er of þung, íhugið að nota tösku á hjólum ef barnið samþykkir.
10. Þá daga sem skólataskan er yfirhlaðin getur barnið borið bækur eða hluti í fanginu – það minnkar álagið á bakið.
Oddrún Lilja Birgisdóttir, iðjuþjálfi
Þetta er óvenjulegt: Emily Mueller fór ekki troðnar slóðir þegar hún ákvað að þungamiðjan í óléttumyndatökunni sinni ætti að vera bumban…heldur býflugur. Þekja þær stóran hluta líkama hennar og leikur hún við drottninguna á einni myndanna. Emily er 33 ára býflugnabóndi frá Ohio, og fékk hún staðfestingu frá þremur læknum áður en hún fór í myndatökuna.
Eftir að Hillary Clinton beið ósigur gagnvart Donald Trump í forsetakosningunum síðastliðinn vetur varð hún fyrir „skelfilegu áfalli“ og viðurkennir nú að hún hafi horfið úr sviðsljósinu og drukkið mikið og notað kvíðastillandi lyf.
Hillary er nú að gefa út endurminningar sínar og fór hún í mikið andlegt ferðalag í nokkrar vikur og mánuði: „Það var samt ekki bara jóga og öndun,“ segir hún. „Ég drakk líka minn skerf af chardonnay, (hvítvíni)“ játar hún í bókinni What Happened sem kemur út þann 12. september næstkomandi.
Ástvinir hennar bentu henni einnig á ávanabindandi kvíðalyf, Xanax, sem hún reyndi en segir að „það hafi ekki verið fyrir sig.“
Hryggsúlan er sett saman úr 26 smábeinum sem kallast hryggjarliðir og brjóskþófum sem tengja beinin saman. Þessir þættir raðast upp í súlu sem umlykur mænuna og styður við efrihluta líkamans. Hryggsúlunni er gjarnan skipt í 3 hluta, auk spjaldhryggjar og rófubeins:
Hálshluta, sem samanstendur af 7 hálsliðum
Brjósthluta, sem myndaður er af 12 brjóstliðum og tengjast rifbeinin þeim
Lendarhluta, sem er myndaður af 5 lendarliðum og eru þeir stærstir af hryggjarliðunum. Mestur hluti af líkamsþunganum fer í gegnum þennan hluta og er álagið því mest á hann
Spjaldhryggurinn sem samanstendur af flötu þríhyrningslaga beini sem tengir svo hryggsúluna við mjaðmagrindina
Rófubeinið er svo neðst, 2–4 lítil bein sem eru samvaxin að hluta.
Brjóskþófar tengja hryggjarliðina saman og mynda þannig hryggsúluna ásamt hryggjarliðunum. Þeir eru samsettir úr bandvefshring sem liggur umhverfis hlaupkenndan kjarna (nucleus pulposus). Brjóskþófinn er 80% vatn sem gerir hann mjög teygjanlegan og eykur það á hreyfigetu hryggjarins og styður einnig við hann, í honum liggja engar æðar og þarf hann því að fá næringu frá aðlægum æðum.
Á hryggjarliðina og hliðar brjóskþófana festast svo þeir vöðvar sem taka þátt í hreyfingum hryggsúlunnar og gera það kleift að við getum beygt okkur og snúið.
Mænan nær frá heilastofni (neðsta hluta heilans), liggur í beingöngunum sem hryggjarliðirnir mynda og nær niður að fyrsta eða öðrum lendarlið þar sem hún greinist í knippi sem kallast mænutagl (cauda equina). Frá mænunni liggja taugarætur sem liggja út úr beingöngunum og tengja þannig heilann við aðra hluta líkamans
Verkir í baki
Verkir í mjóbaki er algengasta form bakverkja, en orsök verkjanna er oft ekki fullþekkt. Oft kemur verkur í kjölfar slyss, eftir að þungum hlut hefur verið lyft eða eftir snöggar hreyfingar, en einnig getur verkur komið án sýnilegrar ástæðu.
Verkjum í baki er oft skipt í:
bráðir bakverkir, sem eru slæmir verkir í baki sem hafa staðið í minna en 1 mánuð og ekki eru undirliggjandi aðrir sjúkdómar
langvinna bakverki, talað er um verki í baki sem langvinna þegar þeir hafa staðið í meira en 6 mánuði.
Orsakir verkja í baki eru marþættar en oft eru verkir tilkomnir vegna aflögunar á vefjum sem liggja aðlægt hryggsúlunni sem aftur veldur þrýstingi á taugaræturnar og framkalla þannig verk.
Brot eða áverkar á hryggjarliði eða hryggjartinda (beinþættir sem standa út úr hryggbolnum).
Þrengsli geta myndast í mænugöngunum, þetta ástand er kallað mænuþrengsli (spinal stenosa).
Krampar (spasm) geta orðið í vöðvunum.
Slit í liðunum sem tengja hryggbolina saman og kallast það slitgigt (osteoarthritis).
Skrið verður á hryggjarliðum og þar með aflögun á hryggsúlunni, ástand sem kallast hryggjarliðsskrið (spondylolisthesis)
Beinþynning, sem veldur því að hryggbolirnir missa styrk sinn, verða brothættir og geta fallið saman við minnsta tilefni.
Brjósklos kallast það þegar kjarninn í brjóskþófunum sem liggja milli hryggjarliðanna þrýstir á bandvefshringinn og veldur því að hann bungar út eða rifnar og þrýstingur verður á aðliggjandi taugarætur. Í sumum tilfellum er ekki nein þekkt ástæða fyrir því að þetta gerist, en hrörnun, sem verður á bandvefnum með aldrinum, getur orsakað þetta. Einnig getur þetta orðið til við áreynslu s.s. líkamlega vinnu eða slys. Útbunganir á brjóskþófum valda þó ekki alltaf einkennum, því rannsóknir hafa sýnt að einstaklingar geta haft útbunganir á brjóskþófunum án þess þó að hafa nein einkenni.
Brjósklos í lendarhrygg (mjóbaki) er algengasta form brjóskloss og er algengt hjá einstaklingum á aldrinum 30-50 ára. Brjósklos í hálsliðshlutanum er sjaldgæfara og brjósklos í brjósthlutanum er sjaldgæft.
Ýmsar starfsgreinar eru í meiri hættu á að fá brjósklos. Þeir sem vinna við að lyfta þungu, snúa sér og beygja við vinnu þannig að aukið álag verður á bakið og einnig þeir sem vinna við langkeyrslur eru í meiri hættu.
Einstaklingar sem eru í lélegu líkamlegu formi eru í meiri hættu og sérstaklega er hættan aukin ef þeir taka sér fyrir störf þar sem álag verður á bakið eins og t.d. að lyfta þungum hlutum.
Einstaklingar sem eru í lélegu líkamlegu formi eiga í meiri hættu á brjósklosi, og sérstaklega er hættan aukin ef þeir sinna störfum þar sem álag verður á bakið, eins og t.d. að lyfta þungum hlutum. Einstaklingar sem eru í lélegu líkamlegu formi, hafa stífa bakvöðva sem gerir það að verkum að hreyfingar hryggsúlunnar verða takmarkaðar og slappir magavöðvar valda því að staða mjaðmagrindarinnar breytist og aukið álag verður á mjóbakið, offita eykur svo enn frekar á líkur á að brjósklos myndist.
Rangar líkamsæfingar geta valdið brjósklosi og því er mikilvægt að gera allar æfingar rétt þegar líkamsþjálfun er stunduð.
Einkenni verða aðallega vegna þrýstings á taugaenda. Það lýsir sér sem máttminnkun eða lömun á einstaka vöðvum og/eða verkir sem leiða út í handlegg eða fætur og/eða skyntruflanir í höndum eða fótum.
Einkenni þrýstings á mænu: Krampar og/eða lömun og skyntruflanir í þeim hluta líkamans sem þær taugar sem verða fyrir þrýstingnum liggja til.
Einkenni þrýstings á mænutagl: Truflanir á þvaglátum og/eða skyntruflanir við endaþarm og innan á lærum og/eða máttminnkun eða lömun á báðum fótum.
Við upphaf skyndilegs bakverkjar er mikilvægt að leggjast og taka verkjalyf til að lina sársaukann. Í byrjun er ráðlagt að taka verkjalyf sem hægt er að kaupa í apóteki s.s. parasetamól og bólgueyðandi lyf s.s. Íbúfen. Gott er að nota kælipoka og hitapoka til skiptis á svæðið þar sem verkurinn er, byrja skal á að nota kælipoka í 20 mínútur og síðan hitapokann í 20 mínútur og svo koll af kolli og enda alltaf á köldum poka. Með því að setja heitt og kalt til skiptis myndast nokkurs konar pumpa á æðakerfið og það eykur blóðflæðið. Ekki er ráðlegt að setja hita ef grunur leikur á að um bólgu sé að ræða ( þ.e. ef hiti er yfir svæðinu) en setja frekar hita sitt hvorum megin við hryggsúluna, til að auka blóðflæðið í nærliggjandi vöðvum. Fyrstu 1–2 dagana er hvíld mikilvæg, ekki setja álag á bakið og hafa aðstæður þannig að mögulegt sé að leggjast útaf. Rúmlega er ekki ráðlögð í meira en 2 daga.
Nætursvefn er mikilvægur og því oft nauðsynlegt að taka verkjalyf fyrir svefninn ef verkir eru slæmir. Gott getur verið að fara í heitt bað fyrir svefn, eða liggja á hitapoka og mikilvægt er að forðast kaffidrykkju seinnipart dags. Það getur hjálpað til við að minnka verkinn að hnipra sig saman á hliðinni með kodda milli hnjánna.
Að byrja að þjálfa bakið strax og sjúklingur treystir sér til hjálpar, en mikilvægt er að byrja rólega og forðast hraðar og flóknar æfingar. Best er að byrja á styrktaræfingum með mjög litlu álagi og teygjum sem eru mjög mikilvægar, og best er að fá leiðsögn sjúkraþjálfara. Einungis skal þjálfa upp að sársaukamörkum og hætta strax og sársauki gerir vart við sig.
Oft lagast bakverkur sem er af völdum brjóskloss eða vöðvatognunar á nokkrum dögum án frekari meðferðar, en getur þó tekið allt að sex vikur. Ef einkenni máttminnkunar eða truflanir verða á þvaglátum, er mikilvægt að leita læknis strax og ef verkir eru það slæmir að rúmlegu er þörf, er rétt að hafa samband við lækni innan 2 sólarhringa.
Vegna þess hversu margvíslegar orsakir geta legið að baki bakverkja er mikilvægt að taka nákvæma sjúkrasögu og skoða sjúklinginn til að útiloka aðra sjúkdóma. Mikilvægt er að fyrir liggi upplýsingar um fyrri verkjasögu frá baki sem og slys og áverka á hryggsúluna, hvernig verkurinn lýsir sér og hvað geri hann verri eða bæti líðan. Ef grunur leikur á að um brjósklos sé að ræða má senda sjúkling í frekari rannsóknir, tölvusneiðmyndatöku, segulómun eða skuggaefnisrannsókn af mænugöngum, til að staðfesta greiningu. Læknir metur í hverju tilfelli fyrir sig hvaða rannsóknir eru nauðsynlegar. Mikilvægt er að greiningin sé nákvæm, þar sem margir sjúkdómar geta gefið svipuð einkenni.
Í dag eru menn sammála um að ef ekki eru til staðar einkenni um máttminnkun eða truflanir á þvaglátum sé rétt að reyna að meðhöndla brjósklos án skurðaðgerða. Ef einkenni eru langvarandi er þó rétt að meta hvort aðgerð geti hjálpað.
Áður en gripið er til aðgerðar er sjúklingurinn látinn liggja fyrir og honum gefinn verkjastillandi lyf, hann er einnig settur í sjúkraþjálfun eða sendur til hnykkjara. Mikilvægt er að greining liggi fyrir áður en sjúklingur fer til sjúkraþjálfa eða hnykkjara. Læknirinn metur síðan hvort skurðaðgerð sé nauðsynleg.
Þrýstingur á mænuna krefst bráðrar skurðaðgerðar.
Við mikla lömun er brýn þörf á skurðaðgerð.
Þrýstingur á mænutagl krefst einnig skurðaðgerðar, en ef hún er ekki framkvæmd getur það leitt til þvagvandamála.
Ef bakverkur hefur staðið í nokkrar vikur og hefur veruleg áhrif á daglegt líf sjúklings, er rétt að meta hvort aðgerð geti bætt líðan.
Leitið læknishjálpar ef einkenni bakverkja breytast eða versna eða ef þvagleki, lömun og krampar verða, slíkt krefst tafarlausrar læknismeðhöndlunar.
Líkamsstaða er mikilvæg til að fyrirbyggja bakverki. Standið bein þannig að mjaðmir, axlir og eyru liggi í beinni línu.
Langar stöður auka álagið á bakið og því mikilvægt að reyna að ganga um hvenær sem tækifæri gefst. Þægilegur skófatnaður er einnig mikilvægur.
Langar setur auka einnig álagið á bakið, mikilvægt er að hafa góðan stól með stuðning við bakið og reyna að hafa hné örlítið hærra en mjaðmirnar þegar setið er, t.d. með því að nota fótaskemil til að hvíla fæturna á. Hægt þarf að vera að snúa stólnum auðveldlega til að forðast að snúa og vinda upp á bakið. Gott er að standa upp á klukkustundar fresti og liðka sig. Það sama gildir á langkeyrslum, hafa hné hærra en mjaðmir, sitja ekki of aftarlega svo ekki þurfi að teygja sig, halla bakinu ekki meira en 30° og hafa stuðning við bakið.
Svefninn er mikilvægur og til að góður nætursvefn náist er nauðsynlegt að rúmdýnan sé þægileg ekki of mjúk og ekki of stíf.
Líkamsþjálfun er nauðsynleg bæði fyrirbyggjandi og einnig fyrir þá sem eru að ná sér eftir bakverki. Sterkir magavöðvar og vöðvar í baki hjálpa til við að gera hryggsúluna stöðuga. Teygjur í baki og mjöðmum eru mikilvægur hluti af líkamsþjálfuninni til að halda réttri stöðu á beinagrindinni. Þeir sem eru viðkvæmir í baki ættu þó að forðast líkamsþjálfun þar sem mikið er um snöggar hreyfingar eins og fótbolta og lyftingar, betra er að ganga, hjóla eða synda.
Ef lyfta á einhverju, verið viss um að líkaminn sé í réttri stöðu áður en þið lyftið og notið fæturna ekki bakið. Til að auka jafnvægið er gott að hafa bil á milli fótanna. Varist að lyfta þungum hlutum ein, fáið hjálp.
„Mummy-shaming“ er nýyrði fyrir að dæma mömmur fyrir að vera ekki eins og aðrar (s.s. slut-shaming, fat-shaming). Fitnessfyrirsætan Sarah Stage fékk að finna fyrir þessu þegar hún póstaði myndum af sér á Instagram og sagðist vera komin átta mánuði á leið: „Hún er komin átta mánuði á leið og ég lít út fyrir að vera ófrísk, ekki hún
’ sagði einn aðdáandi.
Sumir trúðu því einfaldlega ekki að hún væri ófrísk og héldu að hún væri að ljúga eða eitthvað alvarlegt væri að. Sarah segir: „Ég mun aldrei skilja hvernig sumir geta tekið sér það vald að segja hvernig ófrísk kona á að líta út. Mér fannst ég vera á stærð við hús og var sagt að ég væri „of stór“ en nú er fólk að segja að barnið mitt sé „of lítið“ – í alvörunni fólk. Gefum óléttum konum grið, það er erfitt að búa til börn!“
Hefur þú óvenjulega meðgöngusögu að segja? Sendu okkur á sykur@sykur.is!
Það eru sennilega engin vísindi að uppgötva að því stærri skammta sem þú borðar, því meira þyngist þú. Hvernig eru skammtastærðirnar í Bandaríkjunum miðað við önnur lönd? Leikkonan Jessica Alba fræðir okkur um hvað þarf lítinn skammt til að halda sér í kjörþyngd.
Elon Musk, stofnandi Teslu og SpaceX, var „nörd“ í skóla. Þrátt fyrir erfiðar aðstæður gafst hann aldrei upp og trúði að honum væri ætlaður æðri og meiri tilgangur. Leiðin á toppinn er aldrei bein og breið…
Eins og hver önnur móðir sem er annt um barn sitt vildi Jillian Johnson ekkert annað en það besta fyrir nýfæddan son sinn. Fæddi hún drenginn á sjúkrahúsi sem lagði mikla áherslu á brjóstagjöf og eftir að sonur hennar Landon fæddist setti hún hann á brjóst í hvert einasta skipti sem hann grét.
Þrátt fyrir það var eins og ekkert gæti huggað hann, hann var vansæll, grét stöðugt og vildi drekka. Jillian viðraði áhyggjur sínar við lækna og hjúkrunarkonur en þau sögðu henni að ekkert væri að óttast, hún væri að gera rétt.
Í dag eru fimm ár síðan Landon litli lést og Jillian hefur látið í sér heyra, til varnaðar fyrir aðrar nýbakaðar mæður. Heldur hún því fram að sonur hennar væri sennilega enn á lífi ef hún hefði gefið honum pela: „Vissir þú að nýfædd börn eiga ekki að gráta stanslaust?“ spyr hún.„Þau eiga að borða, sofa og kúka í bleyjuna sína. Ég hafði ekki eina einustu hugmynd um að hann væri að svelta í hel…bókstaflega,“ skrifar hún.
Þessi saga er óvenjuleg, að sjálfsögðu. Við heyrum samt stöðugt að „brjóstið sé best,“ er það ekki? Það getur verið en ekki allar mæður geta mjólkað þannig að barnið verði satt. Eins og Jillian segir, vildi hún óska að hún hefði hlustað á innsæi sitt og gefið drengnum pela: „Ég lærði af þessu að ég þarf að vera helsti talsmaður barnsins míns, fyrst og fremst.“
Jillian gaf honum brjóst fyrstu níu tímana í lífi hans en eftir 53 klukkustundir hafði hann misst tæp 10% af þyngd sinni. Þau mæðgin voru send heim eftir að hafa dvalist á spítala í þrjá sólarhringa eftir fæðingu í Bandaríkjunum: „Við fórum með hann heim…og höfðum ekki hugmynd um að innan 12 tíma fór hann í hjartastopp vegna ofþornunar.“
Þau fóru um leið á spítalann þar sem hann var settur í öndunarvél. MRI skanni sýndi heilaskemmdir vegna súrefnisskorts og lágs blóðþrýstings. Foreldrarnir ákváðu að slökkva á öndunarvélinni 15 dögum síðar. Saga þessi vekur flesta foreldra til umhugsunar. Jillian veit nú í dag að ekki er algengt að börn gráti svo mikið. Eldri dóttir hennar var mun rólegri. Þessi saga er viðvörun til allra foreldra. Ef þú sérð og skynjar að barnið er óhamingjusamt og ófullnægt á brjósti, hlustaðu á innsæið.
Þrátt fyrir þrýsting margra að „gefa bara barninu brjóst“ gæti verið að það sé ekki nóg.
