Hvernig fer Bella Hadid að því að líta svona vel út? Flest könnumst við við að vera ekkert sérstaklega upprifin eftir flug en það er hægt að læra ýmis trikk til að fela þreytumerkin.

„Hún sagði já!“ segir rapparinn Arnar Freyr Frostason á Facebooksíðu sinni og á hann við unnustu sína, söngkonuna Sölku Sól Eyfeld. Parið er statt á Spáni og hafa verið saman í nokkurn tíma.

Við óskum þeim innilega til hamingju! ♥

Varúð: EKKI fyrir viðkvæma. Lögreglan í Denver rannsakar nú mál átta klappstýra og þjálfara þeirra í menntaskóla. Sést á meðfylgjandi myndbandi hvar þjálfarinn neyðir stúlkurnar í splitt þrátt fyrir öskur og grát. Þjálfarinn hefur verið látinn fara ásamt skólastjóranum og aðstoðarskólastjóranum og tveimur öðrum. Hefur myndband þetta vakið mikinn óhug, enda ekkert annað en ofbeldi gagnvart börnum. Stúlkurnar eru 13 ára.

Niðurbrotnir foreldrar hinnar tvítugu Amy Vigus hafa deilt myndum og myndbandi af henni á samfélagsmiðlum til að vekja athygli á eiturlyfjaneyslu ungs fólks, og það geti verið nóg að innbyrða aðeins eina pillu sem gæti leitt til dauða. Um síðustu helgi fór Amy á Elrow Town hátíðina í Ólympíugarðinum í London. Fékk hún þar pillu sem hún hélt að væri MDMA (Molly/ecstacy).

Hafa foreldrar Amyar sett af stað söfnun í hennar nafni. Náði Amy að komast heim til sín en var í afar einkennilegu ástandi. Þar missti hún meðvitund og foreldrarnir neyddust til að hefja hjartahnoð. Hún var flutt á skyndi til sjúkrahúss en þá var hún í dái. Hún var úrskurðuð látin mánudaginn 21. ágúst síðastliðinn.

Foreldrarnir segja: „Að horfa á Amy eins og hún leit alltaf út, með hárið sett upp, augnhárin sín og glimmer í hárinu, en samt látin er eitthvað sem við óskum engum að ganga í gegnum. Hún lá þarna grafkyrr og virtist friðsæl.“

Líkami Amy hafnaði efninu sem hún tók inn: „Hún varð sjúklega lasin og tók köst. Hún náði að komast heim þar sem hún datt niður í hinsta sinn.“

Foreldrarnir eru þakklátir öllum stuðningnum sem þau hafa fengið. Á fyrsta sólarhringnum sáu tæpar tvær milljónir myndbandið af Amy.

Vinsamlega deildu ef þú ert sammála boðskapnum

Brianna Siegel var að þjóna til borðs á bar nokkrum þegar ungt par kom inn í „happy hour.“ Pöntuðu þau tvo hamborgara og tvo drykki. Þegar þau voru búin að borða spurðu þau hana: „Trúir þú á guð?“Brianna svaraði játandi og gaf þeim reikninginn sem hljóðaði upp á 20 dollara.

Parið skrifaði á nótuna með 1.200$ þjórféi að það hefði verið guð sem hafi leitt þau í að gefa henni peningana. Tilviljun hefði engu ráðið um það.  Brianna tjáði sig um málið í meðfylgjandi myndbandi:

Bólgur í líkamanum eru ekki endilega af hinu slæma. Þær vernda okkur gegn frekari meiðslum og fleira. Allar upplýsingar eru í meðfylgjandi myndbandi:

Gyllinæð er tilkomin vegna þess að bláæðar í endaþarmi víkka út og það myndast æðahnútar.

Innri gyllinæð:

kallast æðahnútar á bláæðum sem liggja inn í endaþarminum. Þeir valda sjaldnast sársauka en sjúklingur hefur það á tilfinningunni að endaþarmurinn sé fullur og hann þurfi losa hægðir. Þessir æðahnútar geta sigið út um endaþarmsopið og finnst sjúklingi þá ýmist eins og eitthvað sé klemmt í endaþarminum eða hann finnur ekkert nema sársaukalausan hnúð við endaþarmsopið þegar það er þrifið. Oft fara þessir æðahnútar til baka sjálfir eða hægt er að ýta þeim vandræðalaust inn aftur. Í sumum tilfellum myndast þó blóðstorka í gyllinæð, hún verður sársaukafull og oft fylgir kláði og erfiðara er að fá hnútana til ganga inn í endaþarmin aftur. Þá skapast hætta á að blæði frá gyllinæðinni og verður sjúklingur var við það sem ferskt blóð í hægðum eða á pappír þegar endaþarmurinn er þrifinn.

Ytri gyllinæð:

kallast æðahnútar á bláæðum í húðinni við endaþarmsopið. Þeim fylgir oft kláði og óþægindi og algengt er að þeir blæði sérstaklega þegar endaþarmurinn er þrifinn.

Hvað veldur gyllinæð?

Helsti orsakavaldur gyllinæðar er vegna rembings við hægðalosun og fylgir því oft harðlífi eða ef einstaklingur situr lengi við að reyna að losa hægðir. Það sem gerist þegar við losum hægðir er að það slaknar á endaþarmsvöðvunum og bláæðar í endaþarmi fyllast af blóði og þenjast út. Þetta eykur álag á æðaveggina og ef álagið er mikið eða langvarandi gefur æðaveggurinn sig og æðahnútar myndast.

Gyllinæð er mjög algengur sjúkdómur, þó eru sumir í meiri áhættu en aðrir.
Það eru:

• Ófrískar konur
• Of feitir einstaklingar
• Þeir sem standa langtímum saman
• Þeir sem lyfta oft þungum hlutum
• Þeir sem hafa fjölskyldusögu um gyllinæð

Hver eru einkenni gyllinæðar?

Gyllinæð getur verið til staðar í langan tíma án þess að sjúklingur finni fyrir nokkrum einkennum.

Helstu einkenni eru:

• Óþægindi og sársauki í endaþarmi
• Kláði í endaþarmi
• Þreifanlegur hnútur í eða við endaþarm
• Hægðalosunarþörf sem verður vegna fyrirferðar í endaþarminum
• Fersk blæðingar frá endaþarmi, sést ýmist á pappír þegar endaþarmurinn er þrifinn eða utan á hægðum.

Hver er meðferðin við gyllinæð?

Algengasta orsök gyllinæðar er hægðatregða og því þarf ekki alltaf á lyfjameðferð að halda til að lækna gyllinæð. Oft nægir að leiðrétta hægðatregðuna. Hægðatregðu má laga með því að:

• Auka trefjaneyslu, en trefjar auka umfang hægða og hraða ferð þeirra í gegnum þarmana. Mikið er af trefjum í grænmeti, ávöxtum og grófu korni.
• Drekka mikið af vökva, a.m.k. 8 glös af vatni á dag. Ef vökvaneysla er ekki aukin í samræmi við aukna trefjaneyslu gera trefjarnar illt verra og auka enn frekar á hægðatregðuna.
• Forðast trefjasnauða, hitaeiningaríka fæðu.
• Regluleg hreyfing er nauðsynleg því hreyfing eykur þarmahreyfingar.
• Hægðalyf sem auka umfang hægða gagnast oft vel, en rétt er að forðast annarskonar hægðalyf nema í sértökum tilvikum.
• Mikilvægt er að fara eins fljótt á klósett og hægt er þegar viðkomandi finnur fyrir hægðaþörf, hægðirnar verða þurrari og harðari því lengur sem þær bíða.

Til að minnka sársauka og óþægindi:

• Setjast í volgt bað 2–4 sinnum á dag, ekki lengur en 15–20 mínútur í senn.
• Þrífa endaþarminn eftir hægðir með blautum klútum, t.d. eins og notaðir eru fyrir ungabörn og alls ekki nudda. Einnig er hægt að fara í sturtu til að þrífa endaþarminn.
• Nota ísbakstra í 15–20 mínútur í senn, mikilvægt er að vefja ísinn eða kælipokann í mjúkt klæði svo kuldinn leggist ekki beint á húðina.
• Verkjastillandi lyf s.s. parasetamól eða ibufen hjálpa. Forðist lyf sem innihalda codein því þau auka á hægðatregðuna. Einnig eru til endaþarmsstílar og krem sem lina verki og minnka kláða.

Ef einkenni lagast ekki eru æðahnútarnir fjarlægðir, það er ýmist gert með því að læknir smeygir gúmmíbandi utan um æðahnútinn. Við það stöðvast blóðstreymi til svæðisins og hann dettur af (rubber band ligation), einnig er hægt að sprauta efnum inn í æðahnútinn (sclerotherapy) eða frysta æðahnútinn (cryosurgery) og hefur það sambærileg áhrif. Þessar aðferðir þarfnast ekki innlagnar á sjúkrahús.

Í erfiðustu tilfellunum getur verið nauðsynlegt að fjarlægja gyllinæð með skurðaðgerð.

Eftir þessar aðgerðir getur í einstaka tilfellum orðið eftir lítill húðflipi sem getur valdið kláða og óþægindum og er þá einfallt að fjarlægja hann.

Hvernig greinir læknirinn sjúkóminn?

Ef blæðingar frá endaþarmi verður vart og ekki er um að ræða sprungu í endaþarmsopinu sem blæðir úr er mikilvægt að leita til læknis. Gyllinæð má greina með skoðun á endaþarmi og þreifingu en í sumum tilfellum þarf þó að gera speglun á endaþarmi og jafnvel ristli til að útiloka aðra sjúkdóma.

Batahorfur

Flest alla er auðvelt að lækna af gyllinæð, en endurkomutíðni sjúkdómsins er há og því er mjög mikilvægt að sjúklingur fylgi öllum leiðbeiningum nákvæmlega til að fyrirbyggja að sjúkdómurinn taki sig upp.

Hverjir eru fylgikvillar gyllinæðar?

Blæðingar.
Ef ástandið er viðvarandi geta blæðingar leitt til járnskortsblóðleysis.
Sýkingar á endaþarmssvæðinu ef æðahnútur opnast.

Á hverju ári hverfa þúsundir Breta. Þetta er sagan af einum þeirra. Kirsty og Zack voru nýbúin að fagna fæðingu sonar síns þegar Zack gekk út af heimilinu.

Kirsty reyndi að finna hann og fá einhverjar skýringar.

Það er morgunn og Zack, 28, er orðinn of seinn í bankann þar sem hann vinnur. Sambýliskona hans, hin 34 ára Kirsty, segir honum að flýta sér af stað en hann hlær bara. Hann kyssir hana bless og kveður börnin – sjö ára dóttur Kirstyar og fimm vikna son þeirra. Svo labbar hann út á götu og eldra barnið fer út að glugganum og myndar hjarta með höndunum og vinkar honum. Ósköp venjulegur morgunn.

Tveimur tímum seinna fær Kirsty sms frá Zack þar sem hann segir að hann ætli ekki að koma aftur heim. Þennan morgun hringir Zack í vinnuna og segist ekki geta mætt. Þess í stað gengur hann inn á lögreglustöð og segir þar að tilkynni einhver hann týndan vilji hann ekki finnast.

Kirsty kemst að þessu þegar hún fyllir út skýrsluna um týndan einstakling. Tilkynningin fer á allar lögreglustöðvar í Bretlandi. Fáum mínútum síðar er Kirsty sagt að Zack sé í raun á lífi og allt í lagi með hann. Hann vill bara ekki að hún viti hvar hann er. „Þá fór ég að gráta því það voru hræðilega kuldaleg skilaboð,” segir hún.

Kirsty er sérstaklega áhyggjufull því Zack er greindur með geðhvarfasýki: „Ég veit hann er lasinn,” segir hún. Lögreglan segir þó að hann hafi virst eðlilegur í samskiptum við hana.

Þegar Zack gekk út af heimilinu tók hann ekkert með sér. Þar með talin lyfin sem höfðu verið ávísað á hann. Kirsty veit að hann mun finna fyrir fráhvarfseinkennum, köldum svita og þunglyndi. Á þessum tímapunkti sveiflast hugsanir hennar frá áhyggjum af heilsu hans og hvort hann hafi fengið svona gersamlega nóg af henni.

Er hann lasinn? Eða hefur hann bara flúið?

Parið hefur verið saman í fimm ár. Þau hittust í háskólanum þar sem Zack var afar góður námsmaður sem skrifaði leikrit í frítíma sínum.

Dóttir Kirstyar er sjö ára og hún á annan föður. Áður en sonur þeirra fæddist bjuggu þau hjá foreldrum hennar en nýlega fundu þau íbúð á leigu sem þau fluttu í. Zack hafði aðeins verið í nýju íbúðinni í tvo daga þegar hann hvarf. Heimilið er fullt af bókum – þær eru dreifðar um gólfin og bíða eftir að komast upp í hillu.

Kirsty er þó upptekin af leitinni að Zack. Hún býr til auglýsingu á blað til að hengja upp sem segir að hann sé týndur. Það er mynd af Zack á henni. Hún hefur einnig samband við nálægar læknastöðvar til að athuga hvort hann sé skráður þar.

Kirsty leggur inn smá upphæð á bankareikninginn hans til að geta skrifað skýringu til hans sem er 15 orð að lengd. Henni líður sem hún sé að grípa í hálmstrá. En fyrst og fremst er henni umhugað um heilsu Zacks.

„Ef hann hefur leigt sér litla stúdíóíbúð einhversstaðar, hvernig á ég að finna hann?” spyr hún.

Zack hefur nú verið týndur í 34 daga.

Kirsty hefur enga hugmynd um hvar hann er en viðtal við barnaverndarstofu leiðir í ljós að þau hafa nýja heimilisfangið hans Zacks.

Fyrstu viðbrögð eru áfall. Það er allt í lagi með hann. Svo verður hún bitur – aðrir hafa heimilisfangið hans en ekki hún. Nýja lífið hans. „Ég hélt við ættum framtíð saman,” segir hún. „Mig hefði aldrei grunað að hann myndi flýja. Mér finnst eins og það hafi verið svindlað á mér. Hann skildi mig eftir með alla þessa ábyrgð.“

Svo til að auka enn á einmanaleikakennd hennar uppgötvar hún allskonar tölvupóstföng sem Zack hafði búið til, nöfn þeirra beggja blönduð saman: „Er þetta leikur kattarins að músinni? Er hann að fá einhverja sjúka ánægju af því að hægt er að rekja slóð hans?”

Hún hakkar sig inn á einn reikninginn með leyniorði sem hún mundi eftir. Þar finnur hún bréf sem inniheldur póstnúmer – hjá litlu þorpi utan við Nottingham. Kirsty telur að Zack sé að leigja ódýra íbúð og vill mæta þangað og tala við hann.

Zack hefur nú verið týndur í 41 dag. Kirsty talar um áætlun sína við bróður sinn sem reynir að fá hana til að hætta við: „Við vitum ekkert af hverju hann fór eða hvað var í gangi í höfðinu á honum,” segir hann.

Fyrir hálfu ári hvarf fé af reikningi Zacks. Hann viðurkenndi að hann hafði verið að spila fjárhættuspil á netinu. Bróðir Kirstyar telur að hann eigi við spilafíkn að stríða en Kirsty trúir því ekki: „Ég held að hann hafi verið að spila, svo var nýtt barn komið í heiminn og leigusalinn vildi leiguna og hann var of hræddur að útskýra fjárskortinn fyrir þér. Þess vegna flúði hann,” segir bróðir hennar.

Kirsty er samt búin að gera upp hug sinn. Það tekur hana átta tíma að keyra í þorpið með litla barnið í aftursætinu. Hún hefur bókað hótelherbergi nálægt því sem hún telur vera dvalarstað Zacks. Hún er búin að búa til auglýsinguna með myndum af sér og Zack og Zack og dóttur hennar – Zack er fjölskyldumaður – sem hún ætlar að hengja upp.

Kirsty játar reyndar að hún vildi hafa sig og börnin með á myndunum ef Zack hefði yfirgefið hana fyrir aðra konu – hún vill þá að konan viti að þau eru til. Einnig koma fram persónuleg skilaboð til hans: „Þetta er erfiðasta bréf sem ég hef þurft að skrifa og ég fékk bara einn séns. Ég skrifað að ég væri á þessu tiltekna hóteli þar til á morgun og mig langaði að hitta hann.”

Næsta morgun er maður að bíða eftir henni í anddyri hótelsins. Kirsty heldur að það sé Zack. En það er ekki svo gott. Þar er ókunnugur maður sem segir henni að hann hafi séð auglýsinguna hennar en viti ekki hvar hann sé. Hann vildi bara láta hana vita svo hún færi ekki að gera sér upp falskar vonir.

Kirsty fer aftur heim: „Ég held ég eigi ekki að gera mér neinar vonir í langan tíma,” segir hún.

Zack hefur nú verið týndur í 45 daga.

Kirsty fær skilaboð frá heilsugæslunni. Kona sem vinnur þar fékk símtal frá manni í borginni Bath sem sagðist aðeins muna nafnið sitt og aldur. Konan fór svo á Google og fann upplýsingar um að Kirsty væri að leita að honum. Þetta virtist vera fyrsta alvöru sönnunargagnið. En ef um Zack væri að ræða virtist sem hann þjáðist af minnisleysi.

Kirsty ákveður að taka þessar upplýsingar til lögreglunnar. Það staðfestir enn grun hennar að hann sé staðsettur í Bath. Eftir að hafa póstað skilaboðum á Facebook segja tvær konur sem vinna á hárgreiðslustofu að þær séu vissar um að Zack hafi fengið klippingu hjá þeim.

Fundur hennar með lögreglunni fór ekki vel og Kirsty telur að þeir trúi henni ekki: „Þeir horfa á þig eins og þú hafir engan rétt á að vera þarna.” Eftir að hafa talað við lögreglustjórann segist hann vilja tala við hana einslega. Hann segir henni að Zack hafi verið í sambandi. Lögreglan hafði afskipti af honum um morguninn og hann sagði þeim að hann vildi ekki að Kirsty vissi hvar hann væri. Zack væri ekki reiðubúinn að snúa aftur til baka.

Í hennar huga telur hún að hún hafi verið slæm kærasta. Hún skilur ekki að hann hafi hringt í heilsugæsluna og sagst vera minnislaus og síðan sagt löggunni að hann vildi ekki hitta hana.

Þetta var fyrsta alvöru sambandið hans og Kirsty veltir fyrir sér hvort hún hafi lagt á hann of mikla ábyrgð. Þegar þau fóru að hittast var dóttir hennar bara barn svo þau gátu ekki notið einlífs eins og venjuleg pör, eða skreppa í helgarferðir eða slíkt.

Á sama tíma hugsar hún um fyrsta geðhvarfasýkiskastið sem Zack fékk. Þá sagði hann að hann vildi ekki særa hana af því hún væri svo góð. Hún veltir fyrir sér hvort hann sé að reyna að særa hana núna.

Þetta kvöld fær Kirsty sms frá ókunnu númeri. Sá sem sendir veit um skýringuna á bankareikningi Zacks. Einstaklingurinn segir að hann sé ringlaður og sé að hafa samband við lögregluna. Hann segist ætla að hringja í Kirsty aftur. Klukkan er 11 um kvöld. Kirsty heyrir ekki aftur í honum.

Hún er viss um að manneskjan hafi verið Zack, en trúir því ekki að hann sé minnislaus.

Næsta kvöld fær hún símtal. Í nokkrar sekúndur er þögn og svo er skellt á. Síminn hringir aftur og þá er það Zack.

Loksins fær Kirsty einhver svör.

Í einn og hálfan tíma tala þau saman. Zack segist vera að reyna að muna hver hún er, en virðist hafa fáar minningar. Þau ákveða að Kirsty muni sækja hann næsta dag.

En Kirsty heyrir ekki frá honum aftur.

Jólin koma og fara án Zacks.

Kirsty athugar tölvupóstinn hans og sér að hann hefur verið að spila á netinu aftur. Hann veðjar fyrir 5-6 pund en oft, stundum 20 sinnum á dag. Svo sér hún að hann hefur veðjað fyrir 500 pund einn daginn.

Zack hefur nú verið týndur í 69 daga.

Allt í einu fær Kirsty símtal frá lækni sem segist hafa haft umsjón með Zack síðustu 10 daga. Hjálparstofnun fann hann á götunni: „Ég er svo fegin að það er einhver að sjá um hann núna,” segir Kirsty. Zack hefur verið í Bath, svo

Hertfordshire og Essex. Enginn minntist á Nottingham. Stundum hefur hann verið að vinna og borgað leigu. Stundum hefur hann verið að hanga einhversstaðar, ekki viss hvert hann ætti að fara.

Læknarnir segja að hann sé mjög veikur – hann skipti á milli persónuleika og geti ekki munað hluti: „Hann var ekki að ljúga,” segir Kirsty fegin.

Loks fær hún símanúmer þar sem hún getur hringt í hann. Þegar þau tala saman spyr hann margra spurninga, hvernig þau kynntust og hvernig lífið þeirra var. Zack útskýrir að hann hafi verið að fylgja rödd í höfðinu á sér sem sagðist ætla „að koma honum heim.”

Í hvert skipti sem hann fylgdi röddinni varð hann meira týndur.

Eftir 76 daga eftir að hann gekk út fær Kirsty að heyra að hann sé orðinn nógu hress til að fara heim.

Eftir mánuð af sambúðinni er Kirsty enn að venjast því að hann sé kominn aftur heim. Hún telur ástæðu þess hann fór vera út af barninu og flutningarnir. „Það er allt í þoku hjá mér,” segir Zack. „Fyrst var það Bath, svo Canada Water (í London) svo Essex. Ég veit að þetta var í gangi en ég man ekkert, það er allt grátt.” Hann man eftir sumu – hann man eftir lögreglustöðinni og verið í strætó en hann var ótengdur sjálfum sér, svo að segja.

Á einum tímapunkti man hann eftir að hafa verið í skóginum með ekkert annað en úlpu til að skúla sér. Hann telur að reynslan hafi verið í brotum…það var eins og hann væri að horfa á sjálfan sig gera hluti. Sérstaklega þegar hann var að veðja. „Ég reyndi að gera áætlanir. En stuttu eftir að ég fór varð ég heimilislaus aftur. Hversu skipulagður var ég þá?”

Þrátt fyrir að Zack þjáist enn vegna þessarar furðulegu reynslu reynir hann að aðskilja sig frá henni. Einnig hefur það hjálpað að hann er byrjaður aftur á lyfjum: „Ég hitti sálfræðinga og lækna. Ég hef bara hug á að vera góður sambýlismaður og pabbi.”

Samband Kirstyar og Zacks er þó afar viðkvæmt. Hún er hrædd um að hann hverfi aftur og ef hann gerir það mun hún ekki reyna að finna hann. Henni finnst erfitt að treysta honum, sérstaklega eftir að hafa fundið svo mörg leynileg tölvupóstföng með skilaboðum sem hún átti greinilega ekki að sjá.

Það sem henni finnst hvað sorglegast er að fjölskylda og vinir hennar eru tortryggin. Besta vinkona hennar fjarlægði hana af Facebook eftir að sjá myndir af Kirsty og Zack sameinuðum, því hún þoldi ekki að sjá hvað Kirsty hafði gengið í gegnum.

Kirsty veit ekki hvort sambandið eigi eftir að ganga upp: „Eitt er ég viss um. Þetta mun ekki gerast aftur. Hann myndi ekki fara. Hann gæti farið að spila aftur eða ljúga…en það er ekki eitthvað sem ég get stjórnað.”

Heimild: BBC

Umdeilda ritstýra bandaríska Vogue er helst fyrir einn fylgihlut sem hún sést sjaldan án: Sólgleraugnanna. Hver er samt ástæðan fyrir því? Og hvaða klæðnaði muntu aldrei sjá hana í?

Þið munið eftir gömlu góðu sápustykkjunum sem flestir eru hættir að kaupa. Vissir þú að slíkar sápur má nota sem móðuvörn á gleraugu? Einnig getur þú búið til þína eigin sturtusápu úr þeim. Hér eru nokkur góð ráð!

Bethany Humphrey kennir fjórða bekk í skóla í Nevadaríki, Bandaríkjunum. Þetta er stórsniðug leið til að koma öllum í gott skap og vakna! Ertu ekki sammála?

Þann 29. júlí árið 1981 var haldið „brúðkaup aldarinnar“ og meira en 750 milljónir manna voru límdar við sjónvarpsskjáinn að horfa á Lady Diana Spencer ganga að eiga velska prinsinn Charles, við hátíðlega athöfn í St. Paul’s dómkirkjunni. 3500 gestir voru viðstaddir.

Meira en 35 eru síðan þessi veisla átti sér stað og flestir vita hvernig hjónabandið endaði. Í veislunni sjálfri voru 27 brúðkaupstertur og var fólk forvitið um hvernig var baksviðs í athöfninni. Breski ljósmyndarinn Lord Patrick Lichfield tók meðfylgjandi myndir og nýtti Breska konungsfjölskyldan þær bestu en hinar urðu eftir hjá aðstoðarmanni Lichfields sem hélt þeim leyndum…þar til nú. Árið 2015 voru myndirnar seldar á uppboði en eru nú á flandri á netinu.

Gjörið svo vel:

Þeir sem hafa séð kvikmyndina IT eftir metsölubók Stephen King munu sennilega ekki verða fyrir vonbrigðum með endurgerð myndarinnar. Trúðurinn Pennywise er enn á ný að hræða börn en nú er hann leikinn af Bill Skarsgård en ekki Tim Curry sem lék hann árið 1986. Gerist myndin í Derry, Maine og skartar hún flottum leikurum, m.a. Finn Wolfhard, AKA Mike úr þáttunum Stranger Things.

Myndin verður frumsýnd þann 8. september næstkomandi.

Þegar par hefur ákveðið að fara í tæknifrjóvgunarmeðferð, hvort sem um er að ræða tæknisæðingu eða glasa-/smásjárfrjóvgun, þarf karlmaðurinn að undirgangast sæðisrannsókn. Rannsóknin er ein mikilvægasta rannsóknin sem par sem á í frjósemisvanda undirgengst. Strax þegar parið er farið að hugsa um að leita læknishjálpar vegna þess að ekkert hefur gengið, er mjög mikilvægt að þessi rannsókn sé gerð.

Athugið! Mjög óráðlegt er að konan undirgangist einhverja frjósemismeðferð ef sæðisrannsókn hefur ekki verið framkvæmd á karlmanninum. Það getur verið ávísun á mun lengri bið eftir barni. Sæðisrannsókn á alltaf að vera fyrsta úrræðið.

Sæðisrannsókn getur verið framkvæmd á heilsugæslustöð eða á tæknifrjóvgunardeild. Mikilvægt er að karlmaðurinn fari rétt að svo að niðurstöður prófsins gefi rétta mynd af frjósemi hans. Karlmaðurinn má ekki hafa haft sáðlát í 2 sólarhringa áður en prófið er tekið. Hægt er að fá dósir undir sæðis- eða þvagsýni í apótekum. Ekki má nota annað ílát undir sýnið.

Leiðbeiningar

Áður en sæðissýnið er tekið þarf karlmaðurinn að þvo lim sinn vandlega með sápu og vatni.

Mjög mikilvægt er að allt sæðið komi í dósina, sérstaklega fyrsti hluti þess. Ef það tekst ekki, er nauðsynlegt að láta lækninn vita af því. Sæði er mjög viðkvæmt fyrir hitabreytingum. Þegar búið er að taka sýnið, skal geyma lokaða dósina innan klæða svo jafn hiti haldist á sýninu. Varist að láta dósina verða fyrir hristingi. Ekki má líða lengri tími en einn klukkutími frá því að sýnið er tekið og þar til því er skilað á rannsóknarstofu/til læknis.

Ef sæðisrannsóknin er hluti af tæknifrjóvgunarmeðferð þarf að skila sýninu á rannsóknarstofu Kvennadeildar. Rannsóknastofan er staðsett í kjallara ljósmæðraskólans. Inngangurinn er sá sami og hjá glasafrjóvgunardeild. Gengið er niður stigann hægra megin og svo inn ganginn til hægri.

Athugið

Ef karlmaðurinn hefur orðið veikur eða tekið einhver lyf undanfarna 3 mánuði áður en sæðissýnið er tekið getur það haft talsverð áhrif á útkomuna hjá manninum, sérstaklega ef hann hefur fengið hita. Því er rétt að taka það fram við rannsóknina hvort veikindi eða lyfjanotkun er um að ræða.

Ef útkoma sýnisins er ekki eins og vonast var eftir getur karlmaðurinn haft áhrif á útkomuna með ýmsu móti. Hann getur tekið sink og fólinsýru sem hafa mjög góð áhrif á sæði þegar þetta er tekið saman. Varist að ganga í þröngum buxum, og að fara í löng eða heit böð eða heita potta yfir 37°C. Sturta er betri en bað. Reykingar hafa mjög slæm áhrif á sæði karlmanna og rannsóknir benda til þess að sæði karlmanna sem reykja sé oft með meiri leynda galla sem veldur meiri hættu á fósturláti. Hollur matur og góð hreyfing hafa einnig góð áhrif á frjósemi bæði karla og kvenna.

Hvað er eðlilegt sýni?

Til að sæðissýni geti talist eðlilegt þarf það að uppfylla eftirfarandi skilyrði.

• Venjulegt sýni er á bilinu 2-5 ml
• Í hverjum ml þurfa að vera meira en 20 milljónir sæðisfrumna
• Meira en helmingur sæðisfrumnanna þarf að vera með eðlilegan hreyfanleika
• Meira en helmingur sæðisfrumnanna þarf að vera rétt skapaður
• Magn hvítra blóðkorna verður að vera undir 1 milljón í ml

Leigumarkaðurinn er ekki bara strembinn á Íslandi. 31 árs gömul kona var orðin dauðþreytt að borga himinháa leigu og ákvað þess í stað að innrétta sendiferðabíl og búa í honum. Eileah Ohning býr því í Freightliner Sprinter High Top í Columbus, Ohio og hefur gert það síðan í maí 2017. Elileah innréttaði hann á skemmtilegan hátt og leggur nálægt vinnunni sinni þannig hún er líka laus við umferðina. Hún fer í sturtu í ræktinni og sparar peninga.

Sjáðu þessa sniðugu konu:

Glæsileiki Díönu prinsessu er ógleymanlegur. Sú sem kemst þó næst því að vera jafn glæsileg er tengdadóttir hennar, Kate Middleton. Eflaust heillaðist William af því sem og gáfum hennar og sjarma.

Hér eru flottustu dressin að mati Elle Magazine:

Áður en þú lest þetta vörum við þig við…þú átt aldrei eftir að hita þér kaffi á hótelherberginu aftur. Flestir hafa skellt vatni í ketilinn og fengið sér rjúkandi heitt kaffi eða te að morgni áður en haldið er af stað út í daginn, en vertu viss: Þú gætir hafa verið að drekka leifar af einhverju ógeðslegu.

Það er engin leið að segja þetta á snyrtilegan hátt en það er möguleiki að gestirnir á undan þér hafi soðið nærfatnaðinn sinn í katlinum. Já, nei, við erum ekki að grínast. Þetta byrjaði allt á þessari Twitterfærslu:

Guy ‘Yug’ Blomberg skrifaði semsagt á Twitter og Facebook „er einhver sem ég þekki sem þrífur nærfötin í katlinum þegar hann ferðast?“ og samkvæmt svörunum sem hann fékk er það býsna algengt.

Fólk fékk að sjálfsögðu sjokk…það síðasta sem það vill er að drekka eitthvað úr nærfatnaði annars fólks!

Ef þú heldur að allar bakteríur drepist við suðu er það hreinlega ekki rétt eins og lífeindafræðingurinn Heather Hendrikson sagði við tæknisíðuna Gizmodo: „Þetta er ofboðslega ógeðfellt. Suðan drepur einhverjar bakteríur en sum gró drepast ekki nema við 120°C. Þú verður ekki veikur af að drekka þetta, en við vissar aðstæður geta þær orðið að eitri sem getur hugsanlega drepið mannveru.“

Fyrrum flugfreyja sagði á Reddit að hún myndi aldrei mæla með hótelkatlinum því hún og samstarfskonur hennar hafi oft soðið sokkabuxurnar í þeim.

Einnig hefur fólk játað að elda í kötlunum, s.s. að sjóða egg. Þannig…hafið þetta í huga ferðalangar!

Við vitum öll að líkamstjáning getur gefið eitthvað annað í skyn en það sem sagt er. Semsagt: Þú getur sagt eitthvað og líkamstjáning gefur eitthvað allt annað til kynna. Augun segja eitt en fæturnir eitthvað annað! Ef þú vilt læra að lesa í líkamstjáningu fólks er hér frábært myndband sem getur kennt þér öll trikkin!

Allir þekkja svokallaðar „Hagkaupsbeyglur“ – þ.e. beyglur sem koma á bílinn þegar hurðinni er skellt utan í þinn bíl á bílastæði. Nú, við höfum ekki reynt þetta, en myndbandið sýnir ágætlega hvernig sjóðandi vatni er hellt yfir beygluna og hún löguð innan frá eða með drullusokki. Er ekki þess virði að prófa áður en farið er í rándýra bílaréttingu?

MTV´s Video Music Awards verðlaunahátíðin fór fram í gær og tískuspekúlantar láta sitt ekki eftir liggja þegar kemur að því að dæma klæðnað stjarnanna sem var afar glimmerríkur, ef svo má segja. Hvað finnst þér?