Það er satt – Keanu Reeves er kominn með kærustu, hina fyrstu í áratugi, en sama hvað þú lest á Twitter, þá er nýja kærastan ekki breska leikkonan Helen Mirren.

Keanu (55) sást með nýju kærustunni, listakonunni Alexöndru Grant (46) á LACMA Art + Film Gala á laugardaginn en margir héldu að þetta væri Helen Mirren, hin 74 ára Óskarsverðlaunaleikkona.

„Ég var ekki með gleraugun mín og ég bara gerði ráð fyrir að Keanu væri á stefnumóti með Helen Mirren,“ sagði einn.

„Keanu Reeves á kærustu sem er kona á mínu reki og lítur dálítið út eins og Helen Mirren og mér hefur aldrei þótt hann kynþokkafyllri,“ sagði annar.

„Voru fleiri glaðir að halda að Keanu og Helen væru nýjasta parið?“ sagði þriðji. „Sama þó svo sé ekki, ég samgleðst Keanu og vona að han og Alexandra verði afar glöð saman þar sem þau þekkjast mjög vel.“

Helen hefur verið gift Taylor Hackford frá árinu 1997.

Þetta samband er hið fyrsta opinbera sem Keanu hefur verið í síðan fyrrverandi kærasta hans, Jennifer Syme, lést í hörmulegu bílslysi eftir að hafa fætt andvana barn þeirra.

Samfélagsmiðlar eru oft til mikillar gæfu eins og ein kona komst að sem hefur þjáðst alla ævi vegna ástands sem kallast „lipidema“ – sem orsakar óeðlilega fitusöfnun á ákveðnum stöðum líkamans. Jennifer Williams sem býr í Los Angeles, Kaliforníuríki, er 44 ára og það var ekki fyrr en hún komst að því hvað hrjáði hana eftir að hún setti myndir af sér á Instagram. Hún var afskaplega „týnd“ eins og hún orðar það sjálf, en er nú hamingjusamari en nokkru sinni fyrr.

Maður nokkur hefur leitað ráða hjá Internetinu (ekki alltaf sniðugt, samt) eftir að hann hélt að hann væri að gera konu greiða í ræktinni, en honum fannst að hann væri hjálplegur. Ekki fékk hann þakklát viðbrögð frá konunni sem kallaði hann „ógeðslegan pervert.“

Maðurinn var sumsé í ræktinni þar sem hann fór á æfingasvæðið. Gerði hann nokkrar hnébeygjur með lóðum og sá að kona var að gera hnébeygjur einnig. Þar sem hún beygði sig niður í sitjandi stellingu gat hann séð um leið að hann „gat séð rassinn á henni“ í gegnum buxurnar.

Hann hélt áfram að gera æfingarnar og sagðist ekki vera „spjallari“ í ræktinni heldur vildi vera út af fyrir sig. Þar sem konan hélt áfram að gera æfingarnar sá hann að rassinn á buxunum var svo snjáður „að hann sá í rauninni allt.“

Maðurinn sagði söguna á Reddit og sagði: „Ég hef ekki hugmynd af hverju mér var ekki sama (ég er giftur og hafði engan áhuga) en ég fór í hjálpargírinn og passaði að enginn myndi heyra í okkur og hvíslaði að henni: „Hey, ég veit þetta er ferlega undarlegt, en mér liði enn undarlegar ef ég myndi ekki segja eitthvað. Þegar þú tekur hnébeygjur og buxurnar þínar teygjast sést rassinn í gegn.“

„Aftur, ég hélt ég væri að vera hjálplegur,“ heldur hann áfram. „Ég hélt hún myndi vilja vita þetta, en andskotinn hafi það, hún sá þetta ekki svona. Í raun öskraði hún bara á mig: „Ógeðslegi pervertinn þinn! Hættu að glápa á rassinn á mér!“

„Ég þurfti ekkert að láta segja mér þetta tvisvar og hálf ræktin var að stara á mig, þannig ég hélt áfram að æfa og þurfti að þola illar augngotur í um 20 mínútur og fór svo heim.“

Maðurinn kom heim með skottið á milli lappanna, og segir að konan hans hafi sagst vera sammála konunni í gegnsæju buxunum, hún hefði farið „alveg í kleinu“ ef einhver hefði benti henni á svipað.“

Svo spurði hann notendur á Reddit hvort þetta hefði verið rangt af honum – að höndla aðstæður á þennan hátt.

Fékk hann auðvitað mismunandi svör: „Ég myndi algerlega vilja vita ef ég væri í gegnsæjum buxum þegar ég beygði mig.“ sagði einn.

„Kannski vissi hún það og var alveg sama. Hún hefði bara getað sagt takk og sleppt því að öskra. Þú ert ekki pervert fyrir að taka eftir slíku,“ sagði annar.

Sumir sögðu að hvernig hann orðaði hlutina hefði komið honum í vandræði: „Þú ert fáviti að gera þetta vandræðalegt og ógeðslegt að þú minntist á rassinn á henni.“

„Þú hefðir bara getað sagt henni að hún væri í gegnsæjum buxum og ekkert annað,“ sagði annar.

Robyn Crawford, ástkona og aðstoðarkona Whitney Houston heitinnar segir nú frá öllu í nýrri bók og staðfestir ástarsamband þeirra.

A Song for You: My Life with Whitney Houston fjallar, eins og titillinn gefur til kynna, um líf Robyn og Whitneyar.

Robyn (58) segir frá ást þeirra í smáatriðum: „Við vildum vera saman, bara við.”

Þær hittust þegar Robyn var 19 ára og Whitney 17 en frá þeirri stundu urðu þær óaðskiljanlegar.

Robyn talar um fyrsta skiptið sem þær sváfu saman: „Einn daginn vorum við Whitney að eyða tíma saman og Whitney sagði að við ætluðum að gista hjá Larry. Í íbúðinni afklæddumst við og við snertum hvor aðra í fyrsta sinn. Að faðma hana og elska var eins og draumur. Við deildum ekki með neinum hvað gerðist þessa nótt. Ég var ekki til í að gefa upp þessa nánd og ég veit það var erfitt í tónlistarbransanum.”

Þegar Whitney skrifaði undir samning við Clive Davis í Arista árið 1982 sagði hún að þær þyrftu að hætta að sofa saman. Hún meira að segja gaf Robyn Biblíu og sagði að það væri synd: „Við myndum báðar fara til helvítis. Ef einhver kæmist að þessu myndi það nota það gegn okkur. Þetta var á níunda áratugnum og það var alveg satt,” segir Robyn.

Þrátt fyrir að þær ættu ekki í líkamlegu sambandi lengur var Robyn alltaf ástfangin af Whitney og studdi hanan í gegnum sambönd hennar við karlmenn og hjónaband hennar og Bobby Brown. Hún þagði alltaf yfir leyndarmálunum en margir vissu þó af þeim. Móðir Whitneyar sagði jafnvel að samband þeirra væri „ekki náttúrulegt.”

Whitney lést vegna ofeyslu eiturlyfja árið 2012, þá 48 ára gömul. „Whitney vissi að ég elskaði hana og ég veit hún elskaði mig. Við stóðum alltaf saman.”

Þegar Whitney giftist Bobby og eignaðist Bobbi vissi Robyn að hún væri í mikilli neyslu og í ofbeldissambandi. Robyn vildi að Whitney fengi hjálp sem hún neitaði, sagði hún væri ekki tilbúin. Þá sleit Robyn öllu sambandi við hana og hætti sem umboðsmaður hennar.

Þrátt fyrir að þær töluðu saman stundum var vinskapurinn aldrei hinn sami. Robyn var í matarboði með vinum sínum þegar hún frétti af andláti Whitneyar: „Það brotnaði eitthvað inni í mér.” Nú, sjö árum eftir andlátið vill Robyn deila því sem hún veit og hefur vitað allan tímann: „Ég vil sýna konuna á bak við þessa ótrúlegu hæfileika. Ég vil virða hana, segja frá hver hún var fyrir frægðina og fagna þessum vinskap.”

Robyn býr nú með eiginkonu sinni Lisu Hintlemann, og tveimur börnum þeirra.

Foreldrar fyrirsætunnar Chrissy Teigen eru að skilja. Ron Teigen Sr. sótti um skilnað frá móður hennar, Vilailuck „Pepper” Teigen, í Los Angeles í vikunni, samkvæmt People. Ron og Vilailuck eiga einnig dótturina Tinu.

Chrissy (33) sagði í fyrra að móðir hennar byggi með henni og eiginmanninum John Legend, en pabbi hennar byggi tíu mínutum frá: „Hann kemur við á hverjum degi og þau eru gift. Það virkar fyrir það. Þetta er gott fjölskyldulíf. Við erum öll mjög náin.“

Ekki er vitað ástæðu skilnaðarins, en Vilailuck hætti að bera giftingarhringinn sinn í sumar. John sást síðast á Instagramsíðu konu sinnar jólin 2017.

Þrátt fyrir að Ron hafi ekki verið mikið í fjölmiðlum staðfesti Chrissy að þau væru náin. Því til marks fékk hann sér húðflúr með dóttur sinni á upphandlegginn: „PABBI FÉKK SÉR TATTO AF MÉR Í AFMÆLISGJÖF,“ sagði Chrissy á samfélagsmiðlum, en eins og flestir vita er hún mikill húmoristi.

Catherine Denevue varð veik við tökur á kvikmyndinni „De Son Vivant“ og var lögð inn á spítala í kjölfarið en hún fékk „slag í kjölfar blóðþurrðar“ segir fjölskylda hennar í yfirlýsingu.

Catherine (76) er enn í fullu fjöri að leika en samkvæmt umboðsmanni hennar, Claire Blondel, þarf stjarnan að taka sér frí í kjölfarið.

Catherine, sem oft hefur verið líkt við aðra franska stjörnu, Brigitte Bardot, hefur verið tilnefnd til Óskarsverðlauna og er ein þekktasta leikkonan þar. Hún hefur leikið í klassiskum myndum á borð við „The Umbrellas of Cherbourg” (1964), “Repulsion” (1965) og “Les Demoiselles de Rochefort” (1967).

Tvær myndir munu koma út með henni á þessu ári.

Leikkonan Portia de Rossi var tvígift áður en hún hitti og giftist Ellen DeGeneres. Hún er þekkt úr þáttunum Arrested Development og hefur skrifað bækur, æviminningar, m.a. Unbearable Lightness: A Story of Loss and Gain, þar sem hún ræðir nánar um þessi hjónabönd. En hver var hún áður en hún varð hluti af einu þekktasta samkynhneigðra pari heims?

Kaþólska kirkjan hefur nú sett allt í rannsókn á því hvernig tvær nunnur urðu þungaðar í Afríku. Þær voru í trúboðastarfi þar þegar uppgötvaðist að báðar voru með barni þrátt fyrir að hafa svarið skírlífseið.

Konurnar tvær eru frá mismunandi reglum á Sikiley en voru ekki að vinna saman. Önnur kvennanna, 34 ára, uppgötvaði að hún var með barni þegar hún fór á sjúkrahús vegna magaverkja. Hin sem var eldri og hafði verið að vinna með „föllnum konum og börnum þeirra“ þegar hún uppgötvaði eigin þungun.

Heimildarmaður kaþólsku kirkjunnar í Róm sagði við The Sun: „Það er ákveðin skelfing í þessum fréttum. Svo virðist sem báðar konurnar hafi verið í heimalandinu og augljóslega áttu þær í einhverskonar kynferðislegu samneyti við einhverja. Rannsókn hefur verið sett af stað; þær brutu báðar reglur um skírlífi en velferð barnanna skiptir mestu.“

Líklegt er talið að konurnar hætti trúarlegu starfi um leið og börnin fæðast.

Fyrr á árinu sagði Francis páfi sem hefur 18 milljónir fylgjenda á Twitter að sumar nunnur hefðu orðið fyrir kynferðislegu ofbeldi presta og biskupa, sumar hefðu jafnvel verið notaðar sem kynlífsþrælar. Hann sagði einnig að slíkt ofbeldi ætti sér enn stað.

Viðurkenndi hann einnig að í kirkjunni hefði löngum verið hefð að „líta á konur sem annars flokks.“

Kanye West, sem lítur á sig sem hálfgerðan guð, skipar nú konu sinni að klæða sig í einhver föt og vill predika ýmislegt heima við sem ekki hefur verið reynt áður. Hann stendur fyrir sunnudagsmessunum sínum og þegar hann vann að plötunni sinni „Jesus is King“ þurfti fólk hreinlega að standa og sitja eins og honum þóknaðist.

Rapparanum T.I. fannst hann afskaplega sniðugur þar sem hann montaði sig af því að fara reglulega til kvensjúkdómalæknis með 18 ára dóttur sína til að staðfesta meydóm hennar. Í viðtali í hlaðvarpinu „Ladies Like Us“ sagðist T.I. staðfastur á því að dóttir hans, Deyjah Harris væri enn hrein mey þar sem þau „fara árlega til kvensjúkdómalæknis til að athuga meyjarhaftið“ því ef það væri rofið benti það til kynferðislegrar virkni.

„Ég get sagt ykkur að á 18 ára afmælisdaginn hennar er meyjarhaftið enn til staðar.“

Hinn 39 ára rappari sem gerði garðinn frægan með laginu „Whatever You Like“ gekk meira að segja lengra því hann lýsti því hvernig hann færi að því að sannfæra dóttur sína til að gefa upp réttindi sín í þessum árlegu prófum: „Læknirinn er bara, „þú veist herra, ég þarf, til að deila upplýsingum…“ og ég bara „Deyjah, þau vilja undirskrift svo við getum fengið að sjá niðurstöðuna. Er eitthvað sem þú vilt ekki að ég viti? Sko, læknir? Þetta er ekkert vandamál.“

Hann sér sennilega eftir því að hafa verið svona rogginn í viðtalinu því internetið brást afar, afar illa við: „Ég er ekki að ýkja, hvernig T.I. brýst inn í einkalíf og rými dóttur sinnar er eitt það ógeðslegasta sem ég hef heyrt,“ segir @FredTJoseph

„Mér er óglatt“ sagði @race_jones

Deyah hefur ekki tjáð sig um þetta opinberlega en hún líkaði við færslur þar sem fólk kallar föður hennar „eigingjarnan“ „ógeðslegan“ og „stjórnsjúkan.“

Í viðtalinu var T.I. einnig spurður um hvort 15 ára sonur hans fengi sömu meðferð þegar kæmi að kynferðislegum athöfnum neitaði hann því: „Mér líður öðruvísi varðandi stráka en stelpur.“

Dr. Jen Gunther, höfundur The Vagina Bible sagði að það þyrfti að leiðrétta misskilning varðandi meyjarhöft og skírlífi: „Meyjarhaftið er enginn mælikvarði á skírlífi. 50% kynferðislegra aktífra ungmenna eru enn með meyjarhaftið. Meyjarhaftið er mjög sveigjanlegt.“

Áður en klámmyndaleikkonan Jessica Jaymes lést af völdum slags sem tengdist mikilli ofneyslu áfengis reyndi hún oft að taka eigið líf. Hún þjáðist af djúpu þunglyndi og var einungis fertug þegar hún lést þann 17. september síðastliðinn.

Samkvæmt dánardómstjóra í Los Angeles eru fyrstu niðurstöður krufningar þær að hún hafði sögu um þunglyndi, sjálfsvígshugsanir, fíkn í áfengi og lyfseðilsskyld lyf og stundaði sjálfsskaða.

Dánardómsstjóri tekur einnig fram að lík hennar hafði afar mörg ör, bæði á úlnliðum og framhandleggjum. Fjólubláir, brúnir og bláir marblettir voru á rasskinnum, höndum og fótum.

Síðast í apríl 2019 reyndi hún sjálfsvíg: Hún skar á úlnliðinn, tók of mikið af Ambien og skildi eftir kveðjubréf.

Jessiva hafði verið lögð inn á geðsjúkrahús þrisvar sinnum (5150) þar sem úrskurðað var að hún væri í hættu, sjálfri sér eða öðru.

Raunverulegt nafn hennar var Jessica Redding og hún „drakk áfengi, missti minnið og tók of mikið af svefnlyfjum.“

Fyrrum eiginmaður hennar og vinur fóru að athuga með hana eftir að hafa ekki heyrt í henni í sex daga. Fannst hún á grúfu á stofugólfinu með höfuðið á sófanum í bláum slopp. Lögregla var kölluð til en hún var úrskurðuð látin á staðnum.

„Lyfseðilsskyld lyf og pillur“ fundust á baðherberginu en ofneysla áfengis ásamt lyfjunum var eitthvað sem hún stundaði.

Fyrir dauða hennar hafði hún leikið í meira en 200 fullorðinsmyndum. Fyrir klámferilinn hafði hún unnið sem grunnskólakennari.

Sonur Meghan Markle og Harry Bretaprins er að vinna í konunglega brosinu sínu og sagði móðir hans á miðvikudagsmorgun þar sem hún hitti hermannafjölskyldur að Archie væri kominn með tvær tennur.

Hitti Meghan unga krakka á Broom Farm Community Centre í Windsor, og sagði við litla stúlku þar: „Sjá allar litlu tennurnar þínar! Archie er kominn með tvær tennur.“ Svo benti hún á neðri vörina á sér og sagði: „Tvær pínulitlar þarna.“

Birtust hjónin óvænt á þennan viðburð sem haldinn er nálægt Frogmore Cottage þar sem þau búa.

Meghan nýtti tækifærið til að spjalla við aðra foreldra um svefn, tanntöku og hvenær börnin byrja að skríða.

Meghan og Harry eru nýkomin heim frá Afríku þar sem Archie sást í fyrsta sinn opinberlega. Hún sagði hann „elska að daðra,“ hann vilji bara standa upp og er hún greinilega afskaplega nærgætin mamma!

Í nýrri æviminningabók segir Robyn Crawford fyrrum elskhugi söngkonunnar sálugu, Whitney Houston, að þær hafi verið elskendur. Robyn var við hlið Whitneyar þegar hún varð sú stjarna sem hún varð…en hún var einnig vitni að falli hennar, aukinni eiturlyfjaneyslu og svo loks aðskilnaði árið 2000 en þá gafst Robyn upp á Whitney.

Eiturlyfin voru alltaf viðstödd líf Whitneyar. Þær reyktu saman maríjúana þegar þær kynntust, Whitney 17 ára og Robyn 19. Þá hafði Whitney prófað kókaín: „Hún sagði mér að hún hefði verið 14 ára þegar hún prófaði það fyrst.“

Þegar Whitney skaust á stjörnuhimininn sagði hún oft við Robyn: „Kókaín getur ekki farið þangað sem við erum að fara,“ en við vorum ekki tilbúnar að hætta því strax. Robyn segist hafa sagt: „Neibb, við erum hér nú þegar. Og kókaínið er enn hér. Það ætti ekki að vera þar. Og þá sagði Whitney: „Ég veit, ég er að fara að hætta.“ En svo hætti hún aldei. „Hún dáðist að því að ég gat hætt,“ segir Robyn. „Hún sagðist ætla að hætta en hún var aldrei tilbúin.“

Whitney einangraði sig meira og meira og neyslan jókst, sérstaklega eftir að hún giftist Bobby Brown árið 1992. Allt var að fara úr böndunum: fjölskyldan, tónleikaferðalögin, vangaveltur um kynhneigð hennar og fíknin. „Þetta var eins og risastór vél sem stoppaði aldrei.“

John Houston, faðir Whitneyar og Robyn báðu Whitney að fara í meðferð á Silver Hill í Connecticutríki. „Ég get enn séð anditið á henni fyrir mér þegar hún sagði: „Ég er ekki tilbúin að fara ég vil ekki fara,“ skrifar Robyn. „Ég var búin að gera allt sem ég gat gert og í fyrsta sinn áttaði ég mig á því að ég yrði að bjarga sjálfri mér.“ Robyn hætti sem umboðsmaður hennar árið 2000 eins og áður sagði.

Robyn hætti þó aldrei að hafa áhyggjur af Whitney og heyrði stundum í fólki sem vann fyrir hana. Þá frétti hún að Whitney hefði oft grátið og beðið um Robyn. „Ég gat samt ekki hjálpað henni fyrr en hún myndi ákveða það.“

Eftir að Whitney lést árið 2012 hefur Robyn syrgt hana og þá staðreynd að hún fékk aldrei þá hjálp sem hun þurfti. Whitney var að bíða eftir mér og ég beið eftir henni.“

Ellen vildi fá svör við ákveðnum spurningum frá leikaranum Steve Carell. Hverja var hann mest stressaður að kyssa? Hver er hans glataðasti hæfileiki?

Það var mikið áfall fyrir Miley að sjá að hennar fyrrverandi, Liam, hætti að fylgja henni á Instagram fyrst. Hélt hún „einhvernveginn að þau myndu ná að vera vinir.“

Miley fylgir ekki lengur Kaitlynn Carter en þær voru í stuttu sambandi eftir skilnað beggja. Að Liam skyldi hafa hætt að fylgja henni fyrstur fékk á hana: „Hún hélt kannski að þau myndu einhvernveginn ná aftur saman og hún var að halda í það, en svo var það hann sem tók skrefið og var það hans leið til að segja henni að þau væru „alveg búin,“ segir nafnlaus heimildarmaður í viðtali við Radar. „Jamm, Liam er ekki á leið til baka.“

„Hún er alveg miður sín eftir allt sem hefur gengið á, hún hefur verið að halda sér upptekinni en nú er hún virkilega að finna fyrir því.“

Síðasta mynd sem Miley líkaði við var af þeim báðum í sumar, í júní.

Kaitlynn fylgir enn Miley samt, enda viðurkenndi hún að hún hefði verið ástfangin af henni.

Fyrrum „sjónvarpseiginmaður“ Courteney Cox – Matthew Perry hitti hana í Los Angeles í vikunni. Myndir sáust af honum og óþekktri konu þar sem hann var þreytulegur að sjá.

„Getið þið hvern ég hitti í hádegismat í dag … ÉG VEIT! Gæti ég verið glaðari? #realfriends,” skrifaði Cox á Instagram og var að vitna í bæði Monicu og Chandler, persónur þeirra í þáttunum Friends. Lisa Kudrow skrifaði undir myndina: „Lucky Lucky #beautifulpeople.”

View this post on Instagram

Guess who I had lunch with today….I KNOW!! Could I BE any happier? #realfriends

A post shared by Courteney Cox (@courteneycoxofficial) on Nov 7, 2019 at 3:16pm PST

Hún vinnur sem súludansmær og var einu sinni helmingi þyngri: Erin hefur fundið sjálfsöryggi með því að stunda súlusport. Hún er þrítug og byr í Arizonaríki í Bandaríkjunum. Hún elskar líkama sinn og er ánægð með sig.